Recent posts

人類的弱點

無論幾重大嘅錯誤,假以時日都會被遺忘。 好處當然係錯誤可以被原諒。 但壞處就係極大嘅錯誤,因為經歷過長時間後都無解決辦法或避免方案。 最後都依然重複出現,循環不息。 呢種「輪迴」好可怕。 戰爭同極權就係例子。 經過幾千年人類歷史,似乎人性都依然無被提升過。 以「我只是聽令行事」去作惡嘅人,依然佔人類一大部份。

平庸之惡

蠢係罪惡其中一個來源。 蠢本身都係罪惡,蠢更可能引來殺身之禍。 「蠢到死」原來係真,有人真係蠢到打錯針而死。 我唔醒唔聰明,咁點算?蠢成點先係問題? 蠢到是非不分,黑白倒轉時就係問題。 我好記得當我首次話:「吓?佢都貪污㗎!」。 得到嘅答覆係「係咁㗎啦、度度都有㗎啦,係貪多定少㗎姐」。 嗰種無奈我仲係好記得。

Wilful Buildness 刻意無視

A great Ted Talk given by Margaret Heffernan https://www.ted.com/talks/margaret_heffernan_the_dangers_of_willful_blindness 我哋到底一日內不自覺地做咗幾多次刻意無視呢? 視而不見所累積嘅問題已經唔少。 仲要加埋知而不行嘅刻意無視。 真係問題天天都多🤯 例子? 學童欺凌 貪污受賄 冤案冤獄

失戀解藥💊

失戀嘅傷心同痛苦,大家嘅感愛都可能係差不多。 我唔知你嘅傷心同佢嘅傷心係唔係一樣感覺,有無一部儀器可以度到? 令你無咁辛苦嘅一個想法: 你先當你無同佢分手。 不單止無分手,你仲可以同佢白頭到老。 你哋兩個甜蜜相處咗十年,一齊跨過「七年之癢」。 你地兩個甜蜜相處咗廿年,一齊勝過楊過同小龍女。 你地兩個甜蜜相處咗三十年,一齊體驗過生老病死同甜酸苦辣。 你地兩個甜蜜相處咗四十年,一齊睇住子女長大而家可以輕鬆享福。 你地兩個甜蜜相處咗五十年,一齊相愛逾半載,無任何嘢再可以分開你倆。 但無柰人都係會死,五十年感情令你日夜懷念過去嗰五十年。 每日都想佢復活重新,又或者每日都想日子快啲過去,快啲可以再一齊。 咁樣似乎仲辛苦過你同佢而家分手,對嗎? 咁你咪就當佢琴日死咗囉。 無錯,你就係同佢「白頭到老」咗咁短嘅時間。 無論如何到最後最後最後都係要分開。

荒謬的世界

活咗咁多年,見過咁多新聞同壞事。 越見得多就越覺得呢個世界好荒謬亦好矛盾。 理科如數學、物理同工程等,看似合理但那有一天被證實一加一並不等於二? 日常如倫理、道德同生死等,看似日日如是但那有每件事都合理? 壞人手持武器殺好人甚至平民仍大魚大肉。 好人堅持仁慈同道德但被剝削同傷害。 報應要等下世?太遲了吧⋯⋯ 上世做過壞事?邊一個又會記得起? 荒謬⋯⋯又無柰